“პანიკური შეტევა”

23b2261152ebe7d3e3384590e1539cd2

BIAFF -ის მხატვრული ფილმების საკონკურსო სექციაში ვხვდებით პოლონელი რეჟისორის პაველ მასლონას ფილმს “პანიკური შეტევა”.მასლონამ იუმორისტული ნიშნებით რამდენიმე ადამიანის ისტორია გააერთიანა და აქცენტი გააკეთა ისეთ ადამიანურ განცდებზე, როგორიცაა შფოთვა, დეპრესია, მარტოსულობა. აქ გადმოცემული ისტორიები ტრაგიკულ ნიშნებთან ერთად ატარებს კომიკურ ელფერსაც. მაგალითად თვითმფირინავის სცენა, სადაც შუა ასაკის წყვილის გვერდით მჯდომი მოლაქლაქე მსუქანი მამაკაცი რამდენიმე წუთში მკვდრად გვევლინება. ამ ფაქტის დამალვის მცდელობა, რომ თვითმფრინავი დროზე ადრე არ დაჯდეს, უფრო კომიკურ ხასიათს სძენს მთელ ისტორიას, რაც თვითმფრინავში ხდება, ვიდრე ტრაგიკულს, მიუხედავად იმისა, რომ თავისთავად ადამიანის გარდაცვალების თემა სულაც არ არის სასაცილო. ფილმში რამდენიმე ისტორია ეპიზოდურად ცვლის ერთმანეთს და ისევ უბრუნდება იმ მონაკვეთს, სადაც ერთი ისტორია გაწყდა მეორე ისტორიის შემოსვლით. ყველა ამბავი დამოუკიდებელია და აქვს თავისი განვითარება და დასასრულიც. გარდაცვლილი თვითმფრინავში, ქალი პანიკური შეტევით, რომელიც მარტო ახორციელებს თავის ფანტაზიებს, განქორწინებული წყვილი, დაბოლილი ბავშვი, მშობიარე პატარძალი და თამაშის აზარტში შესული მიმტანი – ყველა ეს პერსონაჟი მთავარ ფაბულას ქმნის ფილმში. მათი ისტორიები ქაოსურად ანაცვლებს ერთმანეთს. პერსონაჟები კი ელოდებიან ცუდ დასასრულს, “კატასტროფას.” მიმტანის პანიკა თამაშთან დაკავშირებით ძალიან იუმორისტულია, თუმცა ეს კომედია ტრაგიკულ დასასრულს პოვებს ბოლო ეპიზოდში, სადაც ის დედის იარაღის გასროლის მიზეზი ხდება, რაც სიცოცხლის დასასრულის გამომხატველია. აღსანიშნავია, ასევე პატარძლის მშობიარობის სცენა,ბავშვის დაბადება, რაც ანაცვლებს მიმტანის დედის სიკვდილს, როგორც დასაწყისი – გამოხატავს ადამიანის არსებობის წრეს დაბადებითა (დასაწყისით) და სიკვდილით (დასასრულით).

13251_1.7.jpg

“ნაწილობრივ ეს არის ფილმი, რომელშიც ვსაუბრობთ კატასტროფის მიდგომაზე. “პანიკის თავდასხმა” ასევე ყველაფერი, რაც ხდება მანამდე ქმნის გარდაუვალი კატასტროფის მოლოდინს. ” – განაცხადა თავად რეჟისორმა.

z20902566V,-Atak-Paniki---Relacja-z-planu-zdjeciowego-filmu

” პანიკის შეტევა “- თამამი დებიუტი, რომელიც ადასტურებს, რომ შემოქმედებითი ამბიციები და მაყურებლის სიამოვნებაზე ზრუნვა ყოველთვის არ არის ურთიერთგამომრიცხავი. პაველ მასლონა პოლონური კინოს მნიშვნელოვანი წარმომადგენელია, რომელიც წარმოაჩენს კინოს უმაღლეს დონეზე, ქმნის უჩვეულოდ სუფთა, სასაცილო და მკვეთრ ვარიაციებს ფილმში არსებულ მრავალ თემაზე.
Atak-Paniki-T.jpg

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s