BIAFF 2018

IMG_6535.JPG

დღეს ბათუმის ხელოვნების ცენტრში ბიაფფმა სტარტი აიღო…
ფესტივალის გახსნაზე, ტრადიციულ კინემატოგრაფიულ ვიდეო კოლაჟსა და მთავრობის წარმომადგენლების მისასალმებელ სიტყვებს მოჰყვა საპატიო ჯილდოს გადაცემა, რომლითაც ქართულ კინოში შეტანილი წვლილისათვის დააჯილდოვეს ქართველი ოპერატორი ლომერ ახვლედიანი, რომელსაც ჯილდო პირადად ფესტივალის ორგანიზატორებმა გადასცეს…
Без названия.jpg
სპეციალურად ფესტივალის გახსნის ღონისძიებისათვის მოწვეული გერმანიაში მოღვაწე პიანისტი დუდანა მაზმანიშვილი აკომპანიმენტს უკეთებდა ერთ-ერთი ძველ და ქართული კინემატოგრაფის ისტორიაში საკმაოდ გამორჩეულ კინოფილმს “ჩემი ბებია”. ტაპიორის როლი ფილმის ემოციურ განწყობას ერგებოდა და ერთგვარ მუსიკალურ, ხმოვან დრამატურგიას ქმნიდა, იმ ისტორიისა, რომელიც საკმაოდ ნათლად და მკაფიოდ (ხშირად ტექსტუალურად ტიტრებით) გამოხატულია ვიზუალურად.
maxresdefault
ფილმი გადაღებულია 1929 წელს კოტე მიქაბერიძის მიერ. კინემატოგრაფში მოღვაწეობა მსახიობობით დაიწყო, თუმცა მისი როლი ქართული კინოს ისტორიაში, როგორც რეჟისორის უფრო დიდია, ვიდრე მსახიობის. ამის თქმის საფუძველს მისი უკვდავი ფილმი „ჩემი ბებია“ იძლევა. კოტე მიქაბერიძემ სადებიუტო ნამუშევრით საბჭოთა სივრცეში კრიტიკისა და განსჯის გარდა დიდი სკანდალიც გამოიწვია და ფილმი 38 წლის განმავლობაში ე.წ თაროზე შემოდებულ უამრავ ფილმთა შორის აღმოჩნდა. იმ დროინდელი საზოგადოებრივი თუ პოლიტიკური მდგომარეობის გათვალისწინებით ეს გასაკვირი არცაა, პირიქით საკმაოდ მოსალოდნელი რეაქცია იმ ბიუროკრატთა მხრიდან, რომლებსაც ფილმში მიქაბერიძე ოსტატურად „აშარჟებს“.
შავ-თეთრი, ანიმაციური, პლასტიკური გამომსახველობითი ელემენტებით რეჟისორი საოცარ დინამიკასა და რიტმულობას ქმნის. გროტესკული სახეები და მათი ვიზუალიზაციის ფორმა ფილმს კომიკურ ელფერს სძენს და მასში ერთ-ერთი საინტერესო კინემატოგრაფიული ჟანრის კომედიის ნიშნებს ავლენს. მხიარულ სცენებს, ანიმაციებს, მოძრაობას საოცარი ენერგეტიკა და საინტერესო მუხტი შემოაქვს კინოსურათში.
ერთი შეხედვით ფილმის ფაბულა შეიძლება მარტივ ამბამდე დავიყვანოთ თუმცა მისი გამოსახულება ნაკლებად ექვემდებარება თხრობით (სიტყვიერ) საშუალებებს. ერთ-ერთ დაწესებულებიდან დაითხოვენ თანამდებობის პირს ბიუროკრატს, რომელსაც ცოლი გაყრით ემუქრება, თუ სამსახურს არ იპოვის. კაცი ძლივს პოულობს „ბებიას“ ე.ი პროტექტორს და ცდილობს მისი მეშვეობით მოიგვაროს პრობლემები. „ბებია“ უწერს მას წერილს, სადაც მიმღებს მიმართავს, რომ ეს კაცი არავითარ შემთხვევაში არ მიიღოს სამსახურში, რითიც ანტირეკლამას აკეთებინებს ადამიანს საკუთარი ხელით საკუთარ თავზე, რომელზეც თვითონ არაფერი იცის. ამ მოკლე სინოფსის მიღმა ტექნიკური გამომსახველობითი საშუალებებით იქმნება კინოსურათის დრამატურგია და ვრცელი გროტესკული ატმოსფერო. მთელი ფილმი სავსეა ისეთი ეპიზოდებით, რომლებიც ცენზურის ქვეშ უსათუოდ მოექცეოდა.მათ შორისაა მაგალითად სცენა, როდესაც ერთ-ერთ კარზე აწერია: თათბირია, მიღება არ შეიძლება, კარს მიღმა კი თანამდებობის პირი საბავშვო მანქანით თამაშობს მეტიც, ამ სათამაშოს ის არ უყოფს აცრემლებულ თანამშრომელს.
ფილმში რეჟისორი თანამდებობის პირებს, სახავს არა როგორც ადამიანებს პიროვნული ნიშნებით, არამედ როგორც თანამდებობებს, რომლებიც სწორედ თანამდებობათა სახელებით გვევლინებიან და არა საკუთარი ადამიანის სახელებით, ეს ერთმნიშვნელოვნად ხაზს უსვამს რეჟისორის დამოკიდებულებას მათ მიმართ, რომლებსაც ის ადამიანურ ღირსებებს აცლის და მათ მხოლოდ სამსახურეობრივი პოზიციებისა და წოდებების ანაბარა ტოვებს. ფილმის გამოსვლიდან მალე მან დიდი ყურადღება მიიპყრო. ხშირად საუბრობდნენ ჟანრის განსაზღვრასთან დაკავშირებითაც . ფილმი კომედიისა და დრამის ჟანრის პირდაპირი ნიმუშია.

031
ფილმში გაჟღერებული ფრაზები აბსოლუტურად გამოხატავს საქმისა და უსაქმურობის დაპირისპირებას. ფილმი გვახედებს მაღალ პოზიციაზე მყოფი ადამიანის დაბალი ხარისხის შინაგან მდგომარეობაში. საინტერესოდ ისახება ადამიანის ზეაწეული მდგომარეობის გარეგნული ნიღაბი და ნიღბის მიღმა არსებული საცოდავი „მწერი“. აღსანიშნავია კარდებს შორის არსებული სვლების კონტრაქუნქტულობა, თემები ერთმანეთს ენაცვლება დიდი წინააღმდეგობრივი ხასიათით. რეჟისორთან ერთად ფილმში იგრძნობა კინო მხატვრის დეკორატორებისა თუ ოპერატორის ოსტატობა. პერსონაჟები გრიმის საშალებით მეტისმეტად უშნოდ არიან წარმოჩენილები, რითიც მათი შინაგანი სიმახინჯის იდეის ფარული გაჟღერება ხდება. ფილმი საინტერესო ნიმუშს წარმოადგენს „მხილების“, გამოაშკარავების მხატვრული ფარული გზების ძიების კუთხით. 1967 წელს ის კინო ეკრანებს დაუბრუნდა , რასაც საბედნიეროდ რეჟისორიც მოესწრო. 2018 წლის ბიაფფის გახსნაზე კი ფილმი მუსიკალური თანხლებით კვლავ იხილა მაყურებელმა დიდ ეკრანზე.
untitled-678x381.jpg

ხვალიდან მაყურებელი კინოთეატრ “აპოლოს” ეკრანზე იხილავს სხვადასხვა ქართულ და უცხოურ კინოსურათებს…

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s